الست مرجانه اللي زهقانه
الست مرجانه كانت قاعدة زهقانه قالت اما اكلم ابني اطمن عليه واشوفه مع مراته عامل ايه
الو ... ايوه يا حبيبي وحشتني عامله ايه صوتك بعيد كده ليه .. ايييييه في السوق ؟بتعمل ايه ؟مراتك تعبانه ونزلت تجيب بدالها الطلبات لا الف سلامه عليها خلي بالك يا حبيبي من نفسك وكفايه قوي عليك شغلك صحتك يا حبيبي انا خايفه عليك
تقفل الست مرجانه وهي متغاظه وبتكلم نفسها
راحت بسرعه اتصلت ببنتها تقولها شوفتي اخوكي مراته قال عامله تعبانه وهو نازل يجيب في طلبات وحاجات وعمال يهلك في صحته عشانها
مالك يا حبيبتي صوتك مش عاجبني تعبانه مالك ؟حبيبتي يا بنتي الف سلامه عليكي ارتاحي خالص ومتتحركيش ومتعمليش حاجه في البيت خلي جوزك يساعدك
بتقولي ايه نزل يجيبلك طلبات الله يباركله جوز بنتي حبيبي ربنا يسعده دنيا واخره ويبارك فيه ويقويه زي ما بيتقي ربنا فيكي خلاص يا حبيبتي هسيبك دلوقتي وهكلمك بعدين
فعلااااااا دي الحقيقه في اغلب البيوت إلا من رحم ربي
طب دورك ايه بقي يا سيد الرجاله
تعالا وانا اقولك..
دورك تمسك العصايه من النص
يعني ايه ..
يعني تخاف علي مراتك وتتقي ربنا فيها عشان ربنا يباركلك في صحتك وحياتك كلها ومتنساش وصيه الرسول عليه افضل الصلاه والسلام "رفقا بالقوارير "
وفي نفس الوقت امك ثم امك ثم امك
وبر امك مش لازم يكون بظلم زوجتك احذر ❌
طب ازاي بقي
انا اقولك خلي اللي في بيتك سر 🤐محدش يعرفك غيرك انت وزوجتك والكلام ليكي انتي كمان 👩❤️👨 راعي مشاعر والدتك خليها متعرفش عنك غير كل خير عشان تدعيلك انت وزوجتك ♥️♥️♥️ وبرضه زوجتك متقولهاش غير كل كلام كويس من والدتك حاول تلطف بينهم الأمور وتخليهم دائما حبايب عشان تعيش في اسعد حال ♥️
تعليقات
إرسال تعليق